«Электрондық қаржы орталығы» акционерлік қоғамы (бұдан әрі – Қоғам, Тапсырыс беруші) «2021 жылға арналған республикалық бюджеттің көрсеткіштерін түзету және «2021 – 2023 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2020 жылғы 10 желтоқсандағы № 840 қаулысына өзгерістер мен толықтырулар енгізу туралы» Қазақстан Республикасы Үкіметінің 2021 жылғы 3 сәуірдегі № 204қаулысын ҚР Қаржы министрлігі Мемлекеттік кірістер комитетінің қолданыстағы ақпараттық жүйелерін түрлендіру жолымен «Салықтық әкімшілендірудің біріздендірілген жүйесі» (СӘБЖ) ақпараттық жүйесінің функционалдығын іске асыру бойынша қызметтерді көрсету үшін «ҚР ҚМ Мемлекеттік кірістер комитетінің ақпараттық жүйесін іске асыру» мемлекеттік тапсырмасын (бұдан әрі – СӘБЖ функционалдығын іске асыру бойынша қызмет) орындау мақсатында қосалқы мердігерлер (бірлесіп орындаушылар) ретінде тарту үшін әлеуетті өнім берушілерден өтінімдер қабылдауды қайта жүзеге асырады:
Өтінімдерді қабылдау орны мен мерзімі: Қазақстан Республикасы, 010000, Нұр-Сұлтан қаласы, Есіл ауданы, Достық көшесі, 18 үй, 20 қабат, 1 каб., 2021 жылғы «8» қыркүйек15 сағат 00 минутқа дейін. Байланыс телефоны: 8 (7172) 91 90 90 іш. 1167 немесе 1209, 8 (701) 752 87 23 немесе 8 (777) 701 70 15.
Әлеуетті өнім берушілердің өтінімді ресімдеуіне және ұсынуына қойылатын талаптар
1. Өтінімді ұсыну тәртібі
1.1. Өтінім қағаз тасығышта беріледі және Қызметтердің техникалық сипаттамасында көзделген талаптар мен шарттарға сәйкес қызметтер көрсетуге үміткер әлеуетті өнім берушінің келісімін білдіру нысаны, сондай-ақ әлеуетті өнім берушінің біліктілік талаптарына сәйкестігін растайтын ол туралы мәліметтерді алуға келісімі болып табылады.
1.2. Өтінім мыналарды қамтуы тиіс:
1) әлеуетті өнім беруші оның біліктілік талаптарына сәйкестігін растау үшін ұсынатын, қолымен және мөрімен расталған қағаз тасығыштағы құжаттар:
- көрсетілетін қызметтердің мерзімі сипатталған әлеуетті өнім берушінің баға ұсынысы;
- әлеуетті өнім берушінің мөрімен және қолымен расталған, әлеуетті өнім берушінің 3 жыл ішінде ақпараттық жүйелер бойынша қызметтер көрсетуге тәжірибесін растайтын шарттардың, көрсетілген қызметтерді/орындалған жұмыстарды қабылдау-беру актілерінің (орындалған жұмыстар (көрсетілген қызметтер) актілерінің) және басқа да құжаттардың көшірмелері;
- СӘБЖфункционалдығын іске асыру бойынша қызметтерді көрсетуге тартылуы жоспарланған бойынша әлеуетті өнім беруші қызметкерлерінің нотариалды куәландырылған дипломдары, куәліктері, дәлелдемелер және / немесе сертификаттары және т. б. қамтылған тізімі;
2) көрсетілетін қызметтердің функционалдық, техникалық, сапалық және пайдалану сипаттамалары сипатталған техникалық сипаттама. Әлеуетті өнім берушінің техникалық сипаттамасында қызметтердің техникалық сипаттамасының талаптарын іске асырудың ұсынылатын сипаттамасы мен болжамы болуы тиіс.
1.3. Әлеуетті өнім беруші дайындаған өтінім, сондай-ақ өтінімге қатысты барлық хат-хабарлар мен құжаттар мемлекеттік және орыс тілдерінде, нөмірленген және тігілген, мөрмен бекітілген түрде жасалады және ұсынылады.
1.4. Әлеуетті өнім берушінің өтінімі өтінімдерді қабылдаудың соңғы мерзімі өткеннен кейін өтінім берілген жағдайда автоматты түрде кері қайтарылады.
1.5. Әлеуетті өнім берушінің баға ұсынысы теңгемен көрсетілуі тиіс.
2. Өтінімдерді қарастыру
2.1. Өтінім (өтінімдер) қоса берілген материалдармен бірге оларды ұсыну мерзімі аяқталған сәттен бастап 2 (екі) жұмыс күні ішінде мемлекеттік тапсырманы орындау үшін өнім берушілерді іріктеу жөніндегі комиссияның қарауына ұсынылады.
2.2. Өтінімді (өтінімдерді) қарау кезінде комиссия техникалық ерекшелікте белгіленген біліктілік талаптарына сәйкестік критерийлерін және ұсынылған бағаның қолайлылығын негізге ала отырып әлеуетті өнім берушіні таңдайды.
2.3. Қарастырылған өтінімдер бойынша қабылданған шешімдер туралы ақпарат Қоғамның корпоративтік интернет-ресурсында орналастырылады.
3. Ерекше шарттары
Өтінімді қалыптастыру мақсатында әлеуетті өнім берушіге Тапсырыс берушінің СӘБЖ функционалдығын іске асыру жөніндегі қызметтерді көрсетуге арналған Техникалық сипаттамасы әлеуетті өнім беруші Құпиялылық туралы келісімге қол қойғаннан кейін қолма-қол беріледі, оны алу үшін сенімхатпен бірінші тұлғаның немесе уәкілетті тұлғаның қатысуы қажет, өзімен бірге мөрі болуы тиіс (қажет болған жағдайда Қазақстан Республикасының заңнамасына сәйкес). Құпиялылық туралы келісімге қол қою және Тапсырыс берушінің Техникалық сипаттамасын беру 2021 жылдың «1» қыркүйекте18 сағат 00 минутқа дейін жүзеге асырылады.
Қосымшалар: