Қазақстан Республикасы Жоғарғы Кеңесінің 1991 жылғы 16 желтоқсандағы қаулысымен «Қазақстан Республикасының мемлекеттік тәуелсіздігі туралы» Конституциялық заң қабылданды. Жыл сайын осындай атаулы күнде еліміз тәуелсіздік күнін атап өтеді.

Мемлекет Басшысы Қасым-Жомарт Тоқаев Ұлттық қоғамдық сенім кеңесінің 2020 жылғы қазандағы төртінші отырысында 2021 жылды Тәуелсіздіктің 30 жылдығы жылы деп жариялау туралы шешім қабылдады.

Бүгінде Қазақстан - тәуелсіз, демократиялық және құқықтық мемлекет. Осы қысқа мерзім ішінде еліміз өте қарқынды дамып, зор табыстарға қол жеткізді. 30 жыл ішінде біз тұрақты экономика құрып, әлеуметтік салада, саясатта, мәдениетте және спортта алдыға оздық.

Ал Қазақстанның ең үлкен және сөзсіз табысы 130-дан астам түрлі этностардың өкілдері үшін бейбіт және достық атмосферасын құру болып табылады. Осы ұстанымның арқасында Қазақстан БҰҰ-ның толыққанды және белсенді мүшесі болып, дамудың жеке моделін құра алды.