1 сәуір 2015

Астанда 2014 жылғы 10 қазанда «ҚР-дағы мемлекеттік сатып алу және веб-порталдың жұмыс істеу мәселелері» атты семинар-кеңес өтті.  Қаржылық бақылау комитетінің, ҚР Қаржы министрлігі Мемлекеттік сатып алу әдіснамасы департаментінің және «Электрондық коммерция орталығы» ЖШС басшылары Орталық мемлекеттік органдардың конкурстық комиссиялары мүшелерінің бірқатар мәселелеріне жауап берді.  Қаржы министрлігінің өкілдері  семинардың қатысушыларын мемлекеттік сатып алу саласындағы неғұрлым жиі жол берілетін бұзушылықтар және «ҚР-да мемлекеттік сатып алу туралы» Заңға түзетулер туралы ақпаратпен таныстырды.

Сондай-ақ 2014 жылдың 20-28 қазан аралығында ҚР Қаржы министрлігі Қаржылық бақылау комитеті мемлекеттік сатып алу саласындағы бұзушылықтардың алдын алу және жол бермеу бойынша жұмысты іске асыру шеңберінде Алматы, Талдықорған және Өскемендегі жергілікті атқарушы органдардың өкілдерімен бірқатар семинар-кеңестер өткізді.  Комитеттің сарапшылары және Электрондық коммерция орталығының бизнес-жаттықтырушысы мемлекеттік сатып алу туралы заңнаманы қолдану, жүргізілген бақылау іс-шараларының қорытындылары бойынша неғұрлым жиі жол берілетін бұзушылықтар туралы және мемлекеттік сатып алудың веб-порталының жұмыс істеуі жөніндегі мәселелерге жауап берді.  

2014 жылдың ішінде небәрі 340-тан астам бұзушылық анықталды және 600-ден астам лауазымды тұлға әкімшілік жауапкершілікке тартылды.  Тізімдегі ең жиі болатын бұзушылықтар – әртүрлі негіздер бойынша әлеуетті өнім берушінің конкурстық өтінімнен заңсыз бас тартуы. 2014 жылы олар 46 бұзушылыққа жол берді. 100 лауазымды тұлғаға қатысты әкімшілік жауапкершілік шаралары қолданылды. Сондай-ақ әлеуетті өнім берушінің конкурсына қатысуға әртүрлі негіздер бойынша заңсыз жол беру жүргізілді.  Осындай бұзушылықтарға 90.163 лауазымды адам әкімшілік жауапты болды.