1 сәуір 2015

Форумда қаржы секторындағы тәуекелдерді басқару мәселелері талқыланып, сондай-ақ үлкен деректер мен болжамды талдауды өңдеу үшін озық шешімдер көрсетілетін болады. 

Банктік сектор және сақтандыру компанияларына арналған бірінші Еуразиялық инвестициялық форум Орталық Азия мен Ресейдің негізгі банктерінің, ірі сақтандыру компанияларының,  жетекші лизингілік және микрокредиттік ұйымдардың  жоғары және орта буынды басшыларын жинайды. 

Біздің сандық дәуірімізде кәсіпорынның табыстылығы болжамды талдау, тәуекел-менеджмент және алаяқтыққа қарсы іс-қимыл саласында озық шешімдерді тез әрі тиімді енгізу қабілетіне тікелей байланысты. 

Форум қатысушыларға банктік талдау және андеррайтинг саласындағы инновациялық шешімдермен, алаяқтықпен күрес және тәуекелдерді басқару бойынша ең жаңа технологиялармен танысу үшін бірегей алаң ұсынады, сондай-ақ шешімдерді тиімді басқару және қабылдау үшін құралдарды енгізудің таңдаулы тәжірибесін қабылдау мүмкіндігін береді. 

Алғаш рет өңірде АҚШ пен Батыс Еуропаның топ-банктерінде және кредиттік бюроларда қолданылатын кредитік менеджерлерді даярлаудың бірегей әдістері таныстырылатын болады. Банк саласындағы қызметкерлерді оқыту және даярлау жөніндегі ірі орталық BankersLab (АҚШ) компаниясы бас директорының орынбасары KurtGingher андеррайтингтің таңдаулы тәжірибелері туралы айтып береді. BankersLab сарапшыларының басшылығымен көлгірлеу-іскерлік ойны барысында Форумның қатысушылары небәрі бірнеше сағат ішінде шешімдер қабылдаудың көп жылғы виртуалды тәжірибесін алады.

Форумның жұмысына кредиттік конвейерді автоматтандыру және тәуекелдерді бақылауға арналған шешімдерді қонақтарға ұсынатын Ресей мен ТМД бойынша FICO (АҚШ)  компаниясының директоры қатысады.

FICO компаниясы болжамды талдау саласындағы жаһандық көшбасшы болып табылады, ал  FICO scores  сыныптама бағалауы бүкіл әлем бойынша кредиттік бюрода барынша кеңінен пайдаланылатын болып табылады. Әлемде шығарылған кредиттік карталардың шамамен  65%-ы  FICO әзірлеген бейімделген бақылау жүйелерін пайдаланумен басқарылады және 2 миллиардтан астам кредиттік карта FICO алаяқтықпен күрес жөніндегі жүйелерімен қорғалады.

Осыған ұқсас шешімдерді енгізу тәжірибесімен ВТБ24 (Ресей), ірі Ресей банктері біреуінің өкілі өз ойымен бөлісті, ол кредиттік конвейерді құру және кредиттік лимиттерді басқару туралы әңгімелеп береді.

Алаяқтыққа қарсы әрекет ету және кредиттік процесті басқару мәселелері  бизнес-талдау саласындағы шешімдер мен қызметтерді әзірлеуге маманданған әлемдегі ірі жеке ІТ-компаниясы, SAS  компаниясының өкілдері өздерінің сөйлеген сөздерімен жария етті.

Іс-шараның қонақтары қаржылық бақылауды жүзеге асыру үшін Электрондық коммерция орталығы әзірлеген Тәуекелдерді басқару жүйесімен таныса алады. Іс жүзінде барлық ұйымдар қолайсыз оқиғалар санын төмендету және қойылған мақсаттарға қол жеткізу үшін тәуекелді бағалау қажеттілігіне ұшырауда. Тәуекелдерді басқару жүйесі мақсаттарға қол жеткізуге әсерін тигізетін жоспарлы да, болжанбаған да оқиғалар немесе мән-жайлардың пайда болу мүмкіндігі мен белгісіздігі жағдайларында шешімдер қабылдауға көмектеседі. 

Сондай-ақ Форумның спикерлері ретінде Қазақстан Республикасы Ұлттық банкінің, Қазақстан Республикасы Қаржы министрлігінің өкілдері де күтілуде. 

Қаржылық ақпараттық жүйелер мен ресурстар бойынша ақпараттандыру саласындағы оператор, сондай-ақ мемлекеттік сатып алу саласындағы бірыңғай оператор – «Электрондық коммерция орталығы» Форумның ұйымдастырушысы болып табылады.