17 маусым 2015

Электрондық мемлекеттік сатып алу порталындағы жаңа функционалдылықтың көмегімен Тапсырыс берушілердің мемлекеттік сатып алудың жосықсыз қатысушыларының тізілімін (ЖҚТ) өздерінің қалыптастыруына мүмкіндік туып отыр.

Әрине, қатысушының жосықсыздығын тану үшін бұрынғыдай заң күшіне енген сот шешімі талап етіледі. Дегенмен енді бұзушыны өзіндік «қара тізім»-ге енгізу үшін Тапсырыс берушіге хаттар жолдаудың және басқа инстанцияларға жүгінудің қажеті жоқ. Порталға кіріп, нұсқаулыққа сәйкес сот шешімінің сканирленген көшірмесін, сондай-ақ электрондық түрдегі басқа да қажетті құжаттарды қоса тіркеу жеткілікті. Бұдан кейін өтінім уәкілетті органға (ҚР ҚМ Мемлекеттік сатып алу комитеті) келіп түседі, оның өкілі порталға кіріп, оны тексереді және өнім берушінің ЖҚТ енгізілгендігін растайды.

«Енді тізілімді қалыптастыру жауапкершілігі Тапсырыс берушінің өзіне жүктелетіндігі маңызды. Осы нақты бұзушының мемлекеттік сатып алу процестерінен жедел және уақтылы шеттетілуі, демек басқа тапсырыс берушілер мен өнім берушілерге зиян келтірмеуі, осының бәрі енді Тапсырыс берушіге байланысты», - деп атап өтуде электрондық мемлекеттік сатып алу саласында бірыңғай оператор болып табылатын «Электрондық коммерция орталығы» ЖШС.

Осы автоматтандырудың арқасында қағаз жүзіндегі құжат айналымы азайып қана қоймай, сондай-ақ жосықсыз өнім берушілерді есепке алу жөніндегі барлық рәсім де оңайлатылды және мемлекеттік органдар тарапынан уақыт және еңбек шығындары да тиісінше аз талап етілетін болады.

Бұдан басқа, ағымдағы жыл барысында сот шешімінің электрондық көшірмелерін алу үшін мемлекеттік сатып алу веб-порталын Жоғарғы соттың «Төрелік» ақпараттық жүйесімен интеграциялау жоспарлануда.