15 ақпан 2016

Біз кімбіз

«Электрондық коммерция орталығы» жауапкершілігі шектеулі серіктестігі 100% мемлекеттің қатысуымен қазақстандық  АТ-компаниясы ‒ мемлекеттік сатып алу саласындағы бірыңғай оператор және  ақпараттандыру саласындағы қаржылық ақпараттық жүйелер және ресурстар жөніндегі оператор болып табылады. 

Компания миссиясы

Қаржылық салада бизнестің, қоғамның және мемлекеттің қаржылық саладағы мүдделер теңгерімін сақтауға ықпал ететін шешімдер құру.

Жобалар

Бүгінгі күні компания мемлекеттік органдар қызметінің ашықтығын қамтамасыз етуге арналған маңызды әлеуметтік сипатқа ие бірқатар жобаларды орындауда.

Компанияның негізгі жобалары ‒ Электрондық мемлекеттік сатып алу,                 е-Қаржымині және Қазынашылық-клиент мемлекеттік қаржыны тиімді басқаруға, мемлекеттік сатып алу саласында бәсекелестікті дамытуға, мемлекеттік аппаратты күтіп-ұстауға арналған шығындарды азайтуға ықпалын тигізеді.

Есеп 2, ҚЖҚН, БЖМ, Жинақтау, Бас кітап жобалары мемлекеттік қызметшілердің әдеттегі күнделікті міндеттерін тиімді шешуге мүмкіндік береді.

Компания жүктемесі жоғары интернет-сервистерді және қосымшаларды әзірлеу, пайдаланушыларды техникалық қолдау, деректерді өңдеу орталықтарының бағдарламалық және аппараттық қамтамасыз етуін техникалық әкімшілдендіру, мемлекеттік (қоғамдық), дербес және коммерциялық қаржыны ақпараттандыру саласындағы консалтинг, мемлекеттік сатып алу және қаржы саласындағы оқыту, IT-жобаларын басқару қызметтерін ұсынады.

Шамамен 250 мың (2013 жылғы қарашадағы жағдай бойынша) қазақстандық пайдаланушылар күнделікті өз міндеттерін біздің Компания басқаратын ақпараттық жүйелер арқылы шешуде.

Компания тарихы

«Электрондық коммерция орталығы» ЖШС 2003 жылғы желтоқсанда құрылған. «Қазақстан Республикасы Мемлекеттік сатып алу жөніндегі агенттігінің кейбір мәселелері туралы» Қазақстан Республикасы Үкіметінің 2003 жылғы                13 желтоқсандағы № 1262 қаулысы компанияны құруға негіз болып табылды, нәтижесінде Қазақстан Республикасының Қаржы министрлігі Қаржылық бақылау және мемлекеттік сатып алу комитетінің «Электрондық коммерция орталығы» республикалық мемлекеттік қазынашылық кәсіпорны құрылған болатын.

2007 жылы «Электрондық коммерция орталығы» РМҚК еншілес компания ретінде «Самғау» ұлттық ғылыми-техникалық холдинг» құрамына енді және «Электрондық коммерция орталығы» ЖШС болып қайта ұйымдастырылды.

Қазақстан Республикасы Үкіметінің 2008 жылғы 31 желтоқсандағы № 1317 қаулысымен «Электрондық коммерция орталығы» жауапкершілігі шектеулі серіктестігі электрондық мемлекеттік сатып алу саласындағы бірыңғай оператор болып белгіленді. Осы жылы Орталық құрылған «Зерде» ұлттық ақпараттық коммуникациялық  холдингінің» құрылымына енгізілді.

2010 жылғы шілдеде Қазақстан Республикасы Үкіметінің № 679 қаулысымен «Электрондық коммерция орталығы» ЖШС ақпараттандыру саласындағы ұлттық оператор, ал 2013 жылғы қаңтардан бастап – ақпараттандыру саласындағы оператор мәртебесі меншіктелді.

Ескерту: 2013 жылғы 28 қаңтарда Үкіметтің көрсетілген қаулысына өзгеріс енгізілді, соған сәйкес «ұлттық» деген сөз алынып тасталды.