30 қыркүйек 2013
SAP AG өнімдері негізінде құрылған республикалық ауқымдағы ақпараттық жүйе. Әзірленіп отырған жобаның негізгі мақсаты тұрғындарға электрондық мемлекеттік қызметтерді ұсыну және Министрліктің қызметін автоматтандыру үшін ҚР Қаржы министрлігінің (ҚР ҚМ) бірыңғай ақпараттық кеңістігін құру болып табылады. «е-Қаржымині» Электрондық үкіметтің құрамдас бөліктерінің бірі болып табылады, оның мақсаты соның ішінде мемлекеттің қоғаммен тиімді баланыстарын құру болып табылады.

 Жобаны іске асыру мынадай нәтижелерге қол жеткізуге мүмкіндік береді:

  • әкімшілік кедергілерді азайту және ҚР ҚМ азаматтарға қызмет көрсету жеделдігін және сапасын арттыру;
  • мемлекеттік органдардың бюджетті атқару кезіндегі тәуекелдерді басқару жүйесін құру;
  • аудиторларды электрондық тіркеу, ҚР ҚМ құзыреттері шеңберінде лицензиялар алу және т.б.;
  • дәрменсіз борышкерлердің жылжымайтын мүлігін сату жөніндегі электрондық аукцион және т.б. сияқты жаңа электрондық қызметтерді құру мүмкіндігі;
  • ел бюджетінің атқарылуы жөніндегі ақпаратқа онлайн қол жеткізу.