11 маусым 2014

«Электрондық коммерция орталығы» ЖШС (бұдан әрі - Орталық) Қазақстан Республикасының Электрондық мемлекеттік сатып алу ақпараттық жүйесін жаңғыртуды жалғастыруда. Орталық барлық мүдделі тұлғалардың жиналған тәжірибесін және ұсыныстарын ескере отырып, пайдаланушылар үшін интуитивті түсінікті және жақын интерфейспен ақпараттық жүйені құруға тырысады. Жақсартулар бірнеше кезеңдерге бөлініп орындалады. Әрбір кезеңде пайдаланушылардың сындарлы ұсыныстары мен ескертулерінің түсуіне қарай функционалдылығы өзгертілетін кейбір модульдер ұсынылатын болады.

Ол үшін Орталық барлық мүдделі тұлғаларды альфа-тестілеуде қатысуға шақырады. Қатысушыларға қойылатын негізгі талаптар:

  • альфа-тестілеуді жүргізу ережесімен келісу:
  • Қазақстан Республикасының электрондық мемлекеттік сатып алу жүйесін жақсартуды қалау;
  • мемлекеттік сатып алу процестері туралы түсініктің болуы және өз талаптарын және тілектерін анық тұжырымдай білу;
  • тестілеуді жүргізу кезінде жарамды Ұлттық куәландыру орталығының аутентификациялау сертификатының және электрондық цифрлық қолтаңбаның болуы болып табылады.

 

Жүйенің тестілеу нұсқасы 2014 жылғы 1 шілдеден бастап тестілеу қатысушылары үшін онлайн қолжетімді.

Альфа-тестілеуде қатысу үшін альфа-тестілеу қатысушысының сауалнамасын толтыру және одан әрі нұсқаулықтармен шақыруды күту керек.

Альфа-тестілеудің қатысушылары басқа пайдаланушылардың ішінде басымдыққа ие болады, басқаларға қарағанда бағдарламалық өнімді зерттеп және тікелей жүйенің әзірлеушілеріне дейін жүйені жақсарту бойынша өз ескертулерін, ұсыныстарын және ұсынымдарын жеткізе алады.