10 қазан 2014

Астана қаласында 7-8 қазанда «Тұрақты даму мақсатында ақылды басқару: желілік қоғамдағы серіктестіктің жаңа мүмкіндіктері» тақырыбы бойынша Жаһандық Электрондық үкімет форумы өтті. Форум жұмысына қатысу үшін Қазақстанның астанасына әлемнің 70-тен астам елінен қонақтар келді.

Форум шеңберінде Ақылды үкіметтің Government to Government, Government to Business және Government to Citizens секторлары бойынша бөлінген қазақстандық жобаларының көрмесі өтті. Бір алаңда Қазақстанның мемлекеттік органдарының 34 ақпараттық жүйесі ұсынылды, солардың ішінде 5-еуі Қаржы министрлігіне тиесілі. Олардың қатарында «Электрондық коммерция орталығы» әзірлеушісі болып табылатын «Электрондық мемлекеттік сатып алу», «е-Қаржымині» және «Қазынашылық-клиент» жүйелері бар.

Шетелдік қонақтарға электрондық мемлекеттік сатып алуды енгізу тиімділігі зор әсер етті, бүгінгі таңда ол 1,3 миллиард долларды құрайды. Ақпараттық жүйе арқасында қамтамасыз етілетін қажеттіліктер туралы ақпараттың жариялылығы және адал бәсекелестік үшін едәуір тиімді жағдайдың жасалуы есебінен бюджет қаражатын осыншама зор үнемдеуге қол жеткізу мүмкін болды. Соңғы 5 жыл ішінде мемлекеттік сатып алудың жалпы көлеміндегі электрондық мемлекеттік сатып алудың үлесі 6 есе артты.

Мемлекеттік қаржыны автоматтандыру жөніндегі ірі жобалардың бірі                «е-Қаржымин» жүйесіне де назар аз бөлінген жоқ. Жобаның интерактивті стендінде Форумға қатысушылар бюджеттің атқарылуын бақылай алды, ұтқыр талдау кеңсесінің көмегімен мемлекеттік борыш бойынша жедел деректер алды; консультанттар қонақтарға қаржылық есептіліктің автоматтандырылған шоғырландырылуын және стратегиялық жоспардың орындалуына онлайн-мониторинг жүргізілуін көрсетті. Бұл 15 қосалқы жүйені біріктіретін жобада іске асырылған мүмкіндіктердің бір бөлігі ғана.

«е-Қаржымині»-ден басқа G2G аймағында «Қазынашылық-Клиент» АЖ көрсетілді. Оның көмегімен мемлекеттік мекемелер онлайн режимінде құжаттардың электрондық нысандарын толтырады, төлемдердің мәртебелерін және бюджет қаражаты қалдықтарының жай-күйі туралы ақпаратты бақылайды. Қашықтықтан қызмет көрсету есебінен қағаз және көлік шығындары қысқарды, ал келіп түсетін өтінімдерді өңдеудің жүйені енгізуге дейін 4-5 күн алған орташа уақыты бүгінгі күні 8 жұмыс сағатына дейін қысқарды.

«Электрондық коммерция орталығы» іске асыратын барлық жобалар үздіксіз дамуда және болашақ даму жоспарларында ілеспе жүйелермен жаңа шоғырландырулар болжануда.