3 желтоқсан 2014

Астана қаласында 2014 жылғы 21 қарашада Еуразиялық экономикалық комиссия (ЕЭК) жұмысының шеңберінде «Электрондық мемлекеттік сатып алу, сауда-саттық әділдігін және ашықтығын қамтамасыз ету: еуразиялық интеграция тәжірибесі және перспективалар» деген тақырыпта халықаралық конференция өткізілді.

         БЭК елдерінде мемлекеттік сатып алу үшін ұлттық режим енгізудің өзекті мәселелерін талқылауға Ресейден, Беларуссиядан, Қазақстаннан, Кореядан, Вьетнамнан және Голландиядан 200-ден астам қатысушылар қатысты. Солардың арасында Қазақстан Республикасының Қаржы министрі Бахыт Сұлтанов, БЭК Бәсекелестік және монополияға қарсы реттеу алқасының мүшесі (министр) Нұрлан Алдабергенов, Беларусь Республикасы Ұлттық Жиынының, Қазақстан Республикасы Мәжілісі мен Сенатының, Ресей Федерациясы Федералдық Жиыны Федерация Кеңесінің және Мемлекеттік Думасының депутаттары, БЭК елдері сауда алаңдарының басшылары, ғылыми және бизнес қауымдастықтарының, сондай-ақ халықаралық ұйымдардың өкілдері қатысты.

         «Электрондық коммерция орталығы» Қазақстандағы электрондық мемлекеттік сатып алу саласындағы бірыңғай оператор ретінде қазақстандық электрондық мемлекеттік сатып алу порталын әзірлеу және оны ұлттық режимді енгізуге бейімдеу тәжірибесімен бөлісті.

         «2013 жылы, өкінішке орай әлі іске қосылмаған «ұлттық сатып алу режимі» іске асырылған болатын, бұл кезде үш елдің мемлекеттік сатып алуға қатысушылары өздерінің ұлттық электрондық цифрлық қолдаңбаларын пайдалана отырып, бір-бірінің алаңдарында жұмыс істей алатын болады»,- деп хабарлайды «Электрондық коммерция орталығы» ЖШС бас директоры Евгений Теремов.

         Өз сөзінде Теремов электрондық конкурс; аукцион; электрондық сатып алу арқылы бір көзден; баға ұсыныстарын сұрату сияқты сатып алу тәсілдерінің барлық кезеңдерін автоматтандыратын функционалды іске асыру жетістіктері туралы айтты. Хабарландыруларды жариялау, өнім берушілерден өтінімдер қабылдау, өнім берушіні таңдау, қорытынды жасау және электрондық шарттар жасасу рәсімдері жүйеде жүзеге асырылады, бұл өнім беруші мен тапсырыс берушінің тікелей байланыс жасау қажеттілігін болдырмайды. Электрондық келісімшарттарды енгізу ТМД елдеріндегі ғана емес, бүкіл әлемдегі мемлекеттік сатып алудағы теңдесі жоқ жаңалық болып табылады. «Біз мемлекеттік сатып алу жүйесі ішінде заңи тұрғыдан мәні бар, толығымен қағазсыз құжат айналымына өту жолында айтарлықтай маңызды қадам жасай алдық».

         Мемлекеттік сатып алу жүйесі басқа жүйелермен және деректер базаларымен өзара іс-қимыл жасайды. Сондықтан сатып алуға қатысу үшін өтінім беру кезінде әлеуетті өнім беруші ұйымның жарғылық құжаттарын, өтінім берушінің жеке басын куәландыратын құжаттарды, жылжымайтын мүлік туралы анықтамаларды және басқа да құжаттарды ұсынбаса да болады.

         «2012 жылы «Самұрық-Қазына» холдингі де, біз де пайдаланатын тауарлар, жұмыстар, көрсетілетін қызметтер (ТЖҚ) сыныптауышы енгізілген болатын. Сатып алудың өзара салыстырымдылығын жеңіл талдау және қамтамасыз ету үшін  ол ТЖҚ сыныптау ұстанымдарын біріздендіруге мүмкіндік береді».

         Әзірлеушілер алдында жаңа міндеттер туындауда. Жоспарда – деректерді тазарту құралдарын іске асыру, симуляциялық және талдамалық модельдерді құру, болжау құралдарын іске асыру.