ХВҚ өкілдерімен цифрландыру мен бюджет процесінің ашықтығы мәселелері бойынша кездесу

ҚР Қаржы министрі Мәди Такиев Қазақстандағы Халықаралық валюта қоры (ХВҚ) миссиясының басшысы Әли Әл-Эйдпен, сондай-ақ аға экономист Грегорио Импавидо және басқа да сарапшылармен кездесті. 

ХВҚ-ның жыл сайынғы миссиясы қор Жарғысының IV бабы шеңберінде өткізіліп, экономикалық саясат, бюджетті жоспарлау және қаржылық басқару мәселелері бойынша мемлекеттік органдармен консультацияларды қамтиды.

Диалог барысында қозғалған негізгі мәселелер:

- 2025 жылға арналған мемлекеттік бюджеттің атқарылуы,

- еліміздің макроэкономикалық перспективалары,

- Қаржы министрлігінің орнықты өсім, ашықтық пен цифрландыру саласындағы басымдыққа ие бағыттары.

«Біздің мақсат – экономиканың орнықты өсімі мен мемлекеттік қаржы жүйесін ашық түрде басқаруды қамтамасыз ету. ХВҚ мен басқа да халықаралық ұйымдармен ынтымақтастықты нығайту стратегиямыздың маңызды бағыты болып саналады. Алдымызда бюджет процесін цифрландыру мен жетілдіру бойынша ауқымды жұмыс күтіп тұр», деді ҚР Қаржы министрі Мәди Такиев.

Сапар аясында ХВҚ миссиясының өкілдері «Электрондық қаржы орталығы» АҚ-да болып, қолданыстағы цифрлы шешімдермен, сондай-ақ бюджетті талдау, есептілік және АТ жүйелерін интеграциялау саласындағы перспективалы жобалармен танысты.

Электрондық қаржы орталығы әрмен қарай да цифрландыру мен қаржылық ашықтық саласында мемлекеттік саясатты іске асыруға белсенді түрде қолғабыс етіп, ұлттық экономиканың өсімі мен тұрақтылығын нығайтуға септесетін болады.