«Электрондық қаржы орталығы» АҚ-да Ш. Шаяхметов атындағы «Тіл-Қазына» ұлттық ғылыми-практикалық орталығы» КЕАҚ-мен бірлесіп ұйымдастырылған маңызды семинар өтті.
Іс-шара мемлекеттік тілдің беделі мен бәсекеге қабілеттілігін арттыру мәселелеріне арналды.
Семинарда қазақ тілін өз бетінше үйренуге және мемлекеттік тілде ресми құжаттарды дайындауға бағытталған өзекті IT-жобалар талқыланды.
Іс-шарада «Sozdikqor.kz» порталы, «Tilqural.kz», «Tilalemi.kz», «Tilmedia.kz», «Emle.kz», «Qujat.kz» сайттары, сондай-ақ «Termincom.k» сайты сияқты негізгі ресурстар ұсынылды.
Семинарға қатысушылар мемлекеттік тілді кәсіби ортада қолдануды жандандыруға ықпал ететін осы ресурстардың Қоғам қызметкерлері үшін қолжетімділігі мен тиімділігін жақсарту мүмкіндіктерін талқылады.
Ұйымдастырушылар Ш. Шаяхметов атындағы «Тіл-Қазына» ұлттық ғылыми-практикалық орталығы» КЕАҚ-ға тілдік ортаны дамытуға және іс-шараны нәтижелі өткізуге қосқан құнды үлесі үшін алғыс білдіреді.