ҚР Президенті жанындағы Мемлекеттік басқару академиясының магистранттарымен кездесу: ЭҚО жобалары мен жетістіктері таныстырылды
Жуырда «Электрондық қаржы орталығы» АҚ ұжымы Қазақстан Республикасы Президентінің жанындағы Мемлекеттік басқару академиясының магистранттарымен кездескен болатын. Оның барысында компанияның мамандары орталықта қолға алынған негізгі жобаларды таныстырып, сондай-ақ жұмыс нәтижелері мен еліміздің мемлекеттік басқару жүйесін дамытуға және мемлекеттік бастамаларды жақсартуға бағытталған жетістіктер туралы айтып берді.
Әсіресе кездесу кезінде басқарудың тиімділігін арттырып, дамудың жаңа мүмкіндіктеріне жол ашатын және позицияларды нығайтуға септесетін жобаларға баса назар аударылды.
ЭҚО ұжымы тың шешімдерді ұсынып, мемлекеттік басқару саласын жақсарту мен елімізге жаңа перспективалар ашатын озық жобаларды дайындауға мүмкіндік алғандарын зор мәртебе деп санайды.
Компания инновациялық бастамаларды енгізу мен мемлекеттік басқару саласындағы процестерді жетілдіру бойынша өз жұмысын жалғастыра түседі.