«Сыбайлас жемқорлыққа қарсы саясат» тақырыбындағы семинар

2023 жылғы қараша айында «Электрондық қаржы орталығы» АҚ сыбайлас жемқорлыққа қарсы іс-қимыл менеджменті жүйесінің ISO 37001:2016 халықаралық стандартының талаптарына сәйкестігін сәтті растады.

Осылайша, сыбайлас жемқорлыққа қарсы іс-қимыл туралы хабардар болу дәрежесі мен тиімділігін одан әрі арттыру мақсатында 2024 жылғы 24 мамырда «ЭҚО» АҚ Қазақстан Республикасы Сыбайлас жемқорлыққа қарсы іс-қимыл агенттігінің Превенция қызметі өткізген «Сыбайлас жемқорлыққа қарсы саясат» тақырыбында семинар өтті.

Семинар «ЭҚО» АҚ барлық деңгейдегі басшыларына бағытталды. Семинарға тікелей қатысқан басшылардан бөлек «ЭҚО» АҚ басқа қызметкерлері де онлайн форматта қатысты.

«Сыбайлас жемқорлыққа қарсы саясат» тақырыбындағы семинар «ЭҚО» АҚ өз қызметінде жоғары этикалық стандарттар мен ашықтықты сақтауға деген ұмтылысын, сондай-ақ «ЭҚО» АҚ сыбайлас жемқорлыққа қарсы қызмет саласындағы мемлекеттік органдармен белсенді өзара іс-қимыл жасауға дайындығын көрсетеді.