«Сыбайлас жемқорлыққа қарсы іс-қимыл туралы» Қазақстан Республикасының 2015 жылғы 18 қарашадағы № 410-V Заңы (бұдан әрі - Заң) 10-бабының 2-тармағына сәйкес квазимемлекеттік сектор субъектілері жұртшылықтың қатысуымен сыбайлас жемқорлыққа қарсы стандарттарды әзірлейді.
Сыбайлас жемқорлыққа қарсы стандартты әзірлеу тәртібі Қазақстан Республикасы Мемлекеттік қызмет істер және сыбайлас жемқорлыққа қарсы іс-қимыл агенттігі бекіткен Сыбайлас жемқорлыққа қарсы іс-қимылдың стандарттарын әзірлеу жөніндегі әдістемелік ұсынымдармен анықталады (бұдан әрі - Әдістемелік ұсынымдар).
Әдістемелік ұсыныстардың 8-9-тармақтарына сәйкес, Сыбайлас жемқорлыққа қарсы стандарттар Қоғамның қатысуымен әзірленеді, ол Сыбайлас жемқорлыққа қарсы Стандарт жобасын Қоғамның интернет-ресурсында орналастыру және оған ұсыныстар мен ескертулер жинау арқылы қамтамасыз етілуі мүмкін.
Осыған байланысты Сізге 2019 жылдың 18 наурызына дейін ұсыныстар мен ескертулер жіберу үшін Сыбайлас жемқорлыққа қарсы стандарт жобасын қарауды сұраймыз.