Электрондық қаржы орталығы Digital Finance Day іс-шарасында цифрлы өнімдерді таныстырды

Digital Finance Day іс-шарасы аясында «Электрондық қаржы орталығы» АҚ (ЭҚО) мемлекеттік қаржы жүйесін цифрландыруға арналған негізгі инновациялық жобаларды ұсынды.
Жиынға мемлекеттік органдардың, бизнес пен қаржы компаниялардың өкілдерін қоса алғанда, 200-ден астам қатысушы қатысты.

Мәселен, «ЭҚО» АҚ басқарма төрағасы Дияс Крамшеев кәсіпкерлер мен мемлекет арасындағы өзара байланысты жеңілдетуге бағыттылаған цифрлы шешімдердің маңыздылығын атап өтті. Айталық, көпшіліктің назарына екі негізгі жобаның артықшылығы көрсетілді:

• Кәсіпкердің бірыңғай жеке кабинеті (КБЖК) – тендерлерге қатысуды, есеп беру мен шот-фактураларды ұсынуды қоса алғанда, бизнеске арналған барлық мемлекеттік қызметті біріктіре алатын тың платформа саналады. Ол бизнеске уақытты үнемдеуге, ашықтықты арттырып, әкімшілік процестерді жеңілдетуге мүмкіндік береді.
• Бірыңғай байланыс орталығы (ББО) – телефон арқылы, чат-боттар, электронды пошта мен бейнеқоңыраулар арқылы салықтар, кеден және басқа да мемлекеттік қызметтер бойынша консультациялар алуға арналған жаңа сервис.

Бұдан бөлек «ЭҚО» АҚ басқарма төрағасының орынбасары Денис Свирский 800 мыңнан астам атауды қамтитын әрі мемлекеттік сатып алу саласындағы деректердің дәлдігін қамтамасыз ететін сатып алуға арналған Тауарлардың электронды каталогы жобасын ұсынды.

Тұтастай алғанда, ЭҚО экономиканы цифрландыру мен бизнеспен өзара әріптестікті жақсарту жөніндегі бастамаларды қолдай отырып, мемлекеттік қаржы саласының қолжетімділігі мен ашықтығын арттыру үшін цифрлы шешімдерді белсенді енгізуді жалғастырып келетінін айта кетейік.