ҚР Қаржы министрлігі мемлекеттік қаржы саласындағы негізгі цифрлы жобаларды таныстырды

Электрондық қаржы орталығында мемлекеттік қаржы жүйесін басқарудағы ашықтықтық пен тиімділікті, сондай-ақ есептілікті арттыруға бағытталған Қаржы министрлігінің цифрлы жобалар таныстырылды.

Іскерлік кездесуге ҚР Қаржы вице-министрі Әсет Тұрысов, Халықаралық сарапшы Ричард Кирби, халықаралық ұйымдардың, ҚР ЦДИАӨМ-нің, IT компаниялар мен мемлекеттік органдардың өкілдері қатысты.

Мәртебелі қонақтарға Қазақстанның мемлекеттік қаржы саласын тиімді басқаруға арналған 14 жобаның артықшылығы көрсетілді:

• Мемлекеттік жоспарлаудың ақпараттық жүйесі (МЖАЖ)
• Маркет-талдау жүйесі
• Бірыңғай сатып алу платформасы (БСП)
• Онлайн-бюджеттік мониторинг
• Бухгалтерлік операциялардың бірыңғай қоймасы (БОБҚ)
• Бұлтты бухгалтерлік есеп (ББЕ)
• Салықтық әкімшілендірудің интеграцияланған жүйесі (СӘИЖ)
• BAQYLAUDA мемлекеттік қолдау мониторингі жүйесі
• Tapsyru мемлекеттік мүлік нарығы
• Мемлекеттік органның цифрлы бейіні (Е-Қаржы министрлігі)
• Smart Data Finance АЖ
• «Е-тамга» жүйесі
• Кәсіпкердің цифрлы картасы
• Кәсіпкердің бірыңғай жеке кабинеті ( КБЖК) және Тауарлардың ұлттық каталогы

«Біз мемлекеттік қаржы саласындағы әрбір іс-әрекет деректермен расталатын, автоматтандырылған және ашық болатын экожүйені құрып жатырмыз», деді Әсет Нұрланұлы.

Аталған жобаларды таныстырған «ЭҚО» АҚ  бірыңғай оператор ретінде мемлекеттік басқаруда цифрлы шешімдерді одан әрі дамыту мүмкіндіктерін ұсынды.