Цифрлық верификация жүйесі депутаттарға таныстырылды

2025 жылғы 4 наурызда ҚР Қаржы министрлігінің Электрондық қаржы орталығында Мәжіліс депутаттарына Қазақстандық тауар өндірушілер тізілімінің жобасы аясында цифрлық верификация жүйесі таныстырылды. Кездесуге сондай-ақ ҚР Индустрия және құрылыс вице-министрі Олжас Сапарбеков, «QazIndustry» АҚ басқарма төрағасы Берік Бекенов қатысты.

Мәжілісмендер тауар өндірушілерді цифрлық верификациялау процесін жүзеге асыратын ақпараттық база мен жүйенің құрылуымен танысты.

«Цифрлық қаржы орталығы» АҚ әзірлеген цифрлық верификация жүйесі мемлекеттік ақпараттық жүйелерден деректер жинап, талдай отырып, кәсіпорындардың өндірістік қызметін растауды көздейді.

«Цифрлық қаржы орталығы» АҚ төрағасы Дияс Крамшевтің айтуынша, платформа әзірлеу жұмыстары жоспар бойынша, белгіленген кестеге сәйкес жүргізілуде.

Цифрлық верификацияны енгізу тауардың шығу елін анықтаудағы ашықтықты арттырып, индустриалдық секторды дамыту үшін маңызды құрал болатыны күтілуде.

Естеріңізге сала кетейік, биыл елімізде Қазақстандық тауар өндірушілердің Бірыңғай тізілімі енгізіледі, ол қазіргі уақытта қолданыстағы СТ-KZ сертификаттары мен Индустриалды сертификатты ауыстыратын болады.