«Электрондық қаржы орталығы» АҚ қызметкерлері ҚР ҚМ Ішкі мемлекеттік аудит комитетімен (ІМАК) бірлесіп, «Онлайн бюджеттік мониторинг» бағдарламасын пайдалану бойынша Ішкі мемлекеттік аудит департаменттерінің (ІМАД) қызметкерлеріне арналған оқыту семинарын өткізді. Оның мақсаты қаржылық бақылаудың сапасын арттырып, бюджет операцияларының мониторингі кезіндегі бұзушылықтардың алдын алу.
Мәселен, бюджет қаражатының жұмсалуын бақылауды жетілдіру мен қаржылық бұзушылықтардың алдын алу аясында ІМАД өкілдері «Онлайн бюджеттік мониторинг» ақпарат жүйесімен жұмыс істеу дағдысын меңгерді. Бұл жүйе шынайы уақыт режімінде кез келген кемшілікті жедел анықтап, оны болдырмауға септеседі. Осы арқылы қаржылық ашықтық қамтамасыз етіліп, тәртіп деңгейі едәуір артады.
Оқытудың барысында бюджет деректерін талдауға, белгілі бір олқылықтар мен сын-қатерді анықтауға, сондай-ақ қаржылық тәртіптің сақталуын автоматты бақылайтын әдістерді қоса алғанда, жүйемен жұмыс істеудің практикалық аспектілеріне баса мән берілді. Көлемді деректерді өңдеу мен талдаудың дамыған әдістері қызметкерлерге кемшіліктерді тиімді және уақтылы анықтауға, тәуекелдерді азайтып, сапалы бақылау жұмысын жолға қоюға қолғабыс етеді.
Бұл ретте мемлекеттік қаржы жүйесін басқарудың ашықтығын, сондай-ақ тиімділігін нығайтуда «Онлайн бюджеттік мониторинг» жүйесін енгізу мен қызметкерлерді оқытудың маңызы зор екенін айта кетейік.
Тұтастай алғанда, ЭҚО ІМАК мен ІМАД сынды мемлекеттік қаржы саласын басқару бағытында ашықтық пен жауапкершілік қағидаттарын берік ұстанып, басымдық беретенін атап өткен жөн. Орталық еліміздің бюджетінің сапалы орындалуын қамтамасыз ету бойынша озық шешімдерді енгізуге байланысты жұмыстарды жалғастырып, еселейтін болады.