Медикаменттерді сатып алуды өткізуге арналған жаңа электрондық веб-портал

«Электрондық коммерция орталығы» АҚ «СК-Фармация» ЖШС-мен бірге Денсаулық сақтау министрі Е.Біртановқа, сондай-ақ дәрілік заттарды өндірушілерге және өнім берушілерге ел азаматтарын тегін дәрімен қамтамасыз ету шеңберінде медикаменттерді сатып алуды өткізуге арналған жаңа электрондық веб-порталдың тұсаукесерін өткізді.

«СК-Фармацияның» сатып алуы үшін электрондық алаңды әзірлеу жұмысы Мемлекет басшысының және Қазақстан Республикасы Үкіметінің тапсырмасына сәйкес 2016 жылы басталған болатын. Дәрілік заттардың және медициналық мақсаттағы бұйымдардың сатып алу рәсімдерін электрондық форматқа өткізу мақсаты қойылған болатын.

Орталық шамамен 40 бизнес-процесті автоматтандырған болатын, «Қатысушыны тіркеу», «Жоспарлау», «Сатып алу», Тізілімдер модульдерін әзірледі.

«Электрондық коммерция орталығы» АҚ Басқарма Төрағасы Темірлан Нұрғисаев айтқандай, «СК-Фармация» бірыңғай фармацевтикалық ақпараттық жүйесімен интеграциялау өткізілген болатын, ол емханалардан дәрілік заттарды және медициналық мақсаттағы бұйымдарды сатып алудағы қажеттілік жиынын жүзеге асырады. Бұл тегін медициналық көмек көлемінің шеңберінде дәрілік заттарды және медициналық мақсаттағы бұйымдарды қамтамасыз етуге бөлінген бюджеттік қаражаттарды сапалы жоспарлауға мүмкіндік береді.

Қазіргі уақытта электрондық алаң пилоттық режимде жұмыс істейді. Бұл "СК-Фармацияның" Порталдың бүкіл функционалын сынап көруіне, сондай-ақ пайдаланушылар үшін жақсартулар және ыңғайлылықтар бойынша өз ұсыныстарын енгізуіне мүмкіндік береді. Тегін дәрімен қамтамасыз ету үшін медикаменттерді сатып алуды өткізуге арналған электрондық веб-порталды енгізу және өнеркәсіпте пайдалану келесі жылы жоспарлануда.

Электрондық форматқа сатып алуды ауыстыру бүкіл сатып алу рәсімдерінің ашықтығын қамтамасыз етеді, ол бәсекелестікті арттырады, бұл дәрілердің сатып алу құнының нарықтық бағалардан төмен болуына әкеліп соғады.

Бұдан басқа, ашықтық әлеуетті өнім берушіні таңдаумен және оның өтінімінен формалды себептермен бас тартуға байланысты сыбайлас жемқорлық тәуекелдерін едәуір төмендетеді.

Порталда өнім берушілер қатысу үшін ХҚО арқылы ұлттық куәландырушы орталықтың ЭЦҚ алу жеткілікті.
18.07.2018 20:33