Ақпарат

Open API нысанындағы ҚР ҚМ сервистерін іске асыру бойынша жұмыстар ашық мемлекет құру және халықты және бизнесті сапалы мемлекеттік қызметтермен қамтамасыз ету бөлігінде, сондай-ақ шағын орта бизнесті қаржылық емес қолдау бағыты аясында "Цифрлы Қазақстан" мемлекеттік бағдарламасына сәйкес жүргізіледі.

Артықшылығы

Қаржы секторында Open API технологиясын іске асыру мемлекеттік ақпараттық жүйелермен интеграциялау есебінен процедураларды оңайлату мен жеделдетудің арқасында қаржы қоғамдастығын белсендіруге мүмкіндік береді.

Атқарылған жұмыс:

• 2018 жылғы қаңтардан бастап ҚР ҚМ мүдделі тұлғаларға электрондық мемлекеттік сатып алу веб-порталы (бұдан әрі - ЭМСА) арқылы мәліметтерді беру бойынша жария сервистер пайдалануға берілді
  Қазіргі уақытта аналитиканы қалыптастыру немесе нарықтың басқа да қатысушыларына ұсыну үшін ЭМС ақпаратын қолданатын 206-дан астам ұйым тіркелген. Жүйе Тапсырыс берушілердің тауарларды, жұмыстарды, көрсетілетін қызметтерді жеткізуге қажеттіліктері, оларды шоғырландыру, сатып алу рәсімдерін жүргізу, өнім берушіні айқындау, электрондық шарттар жасасу және олардың орындалуы туралы ақпаратты жариялауды қамтамасыз етеді.
  60-тан астам сервис іске асырылды. Апта сайын cервисті пайдаланушылардан түскен ~39 000 000 сұраныс өңделеді.
  
• 2019 жылдың басынан бастап "Орталықтандырылған біріздендірілген дербес шоттар" АЖ-ның API сервистері іске асырылды»:
  - «ОБДШ» АЖ салық берешегін ұсынудың API - интерфейсі
  - API «Салық төлеушінің дербес шотында төленген сомалар туралы ақпарат беру сервисі»
  - API «Жер, мүлік, көлік салық бойынша төлеушіге есептеулер туралы ақпарат беру сервисі»
  
• ОБДШ АЖ API-интерфейстерін 40-тан астам ұйымдар қолданады. Негізінен олар салықтарды төлеу бойынша сервистерді және контрагенттер туралы ақпарат алу бойынша сервистерді ұсынатын ЕДБ мен АТ компаниялар. API сервистері іске қосылған сәттен бастап 10 млн. астам сұраныс өңделді.
• 2019 жылы Салық есептілігін өңдеу жүйесі АЖ салық есептілігі нысандарын қабылдау бойынша API-сервис іске асырылды. Сервискомпанияларға салық төлеушілердің салық есептілігі нысандарын тапсыру бойынша өз әзірлемелерін жүзеге асыруға мүмкіндік береді. Аталған сервис салық есептілігінің 36 нысанын қабылдай алады.
• Тұрақты негізде ҚМ АЖ сақталатын деректерін талдау, ҚР ҚМ ашық деректеріндегі нарықтың қажеттілігін зерделеу бойынша жұмыстар жүргізіледі.

Жұмыстың жоспары:

• Open API нысанында бюджетті жоспарлау мен орындау бойынша деректерді ұсынатын ҚР ҚМ API сервистерін іске асыру.