Ақпарат

«Электрондық коммерциялық сатып алу» ақпараттық жүйесі (бұдан әрі - ЭКС) мыналарға арналған:

• Тегін медициналық көмектің кепілдік берілген көлемі (бұдан әрі – ТМККК) шеңберінде және (немесе) міндетті әлеуметтік медициналық сақтандыру жүйесінде (бұдан әрі – МӘМС) денсаулық сақтау субъектілерінен дәрілік заттар мен медициналық бұйымдарды, көрсетілетін қызметтерді сатып алуды жүргізу. Жүйе тапсырыс берушілердің дәрілік заттар мен медициналық бұйымдарды, көрсетілетін қызметтерді жеткізуге қажеттіліктері туралы электрондық шарттар жасасуды, сатып алу рәсімдерін жүргізуді, өнім берушіні айқындауды, шарттар жасасуды және оларды орындау нәтижелерін қамтамасыз етеді.

Веб-порталда тапсырыс берушілер атынан «Әлеуметтік медициналық сақтандыру қоры» КЕАҚ және «СК-Фармация» ЖШС.

• Мемлекеттік-жекешелік әріптестік жобаларын жоспарлау және іске асыру Қағидалары шеңберінде жекеше әріптесті іріктеу жөніндегі конкурстық рәсімдерді өткізу (Қазақстан Республикасы Ұлттық экономика министрлігі веб-порталының тапсырыс берушісі).

https://ppp.ecc.kz

Мақсаты

Дәрілік заттарды, медициналық бұйымдарды, медициналық қызметтерді сатып алуды жүргізу, процестің ашықтығын және өнім берушілердің, әлеуетті-жекеше әріптестердің кең ауқымын тарту есебінен сатып алу құнын төмендету мүмкіндігін қамтамасыз ете отырып, нақты уақыт режимінде жекеше әріптесті іріктеу жөніндегі конкурстық рәсімдерді өткізу.

Міндеттер

• тауарларды, жұмыстарды және көрсетілетін қызметтерді сатып алуға бюджет шығыстарын төмендету;
• сатып алу рәсімдерін жүргізуге арналған шығындарды қысқарту;
• өнім берушілер арасында бәсекелестікке тең жағдай жасау;
• жинақталған ақпаратқа жылдам қол жеткізу;
• қағаз құжат айналымының айтарлықтай төмендету;
• сатып алу процесінің транспаренттілігі мен ашықтығын арттыру;
• сатып алу процесінде құқық бұзушылықтар санын азайту.

Жүйенің функциялары

• сатып алу процесіне қатысушыларды тіркеу;
• сатып алуды жоспарлау;
• өткізілген сатып алулар туралы ақпарат жинау;
• Электрондық сатып алуды жүргізу, оның ішінде тапсырыс беруші мен әлеуетті өнім беруші арасында электрондық құжаттармен алмасу;
• веб-портал арқылы жоспарланған, өткізілетін және жүзеге асырылған сатып алулар туралы ақпарат беру;
• өткізілген сатып алулар бойынша статистика мен есептілікті қалыптастыру;

Артықшылықтары

Электрондық сатып алудың негізгі артықшылықтары:

• Сыбайлас жемқорлықпен күресудің тиімді тәсілі;
• Бюджет қаражатын нақты үнемдеу;
• Сатып алу саласындағы жұмыстың ыңғайлылығы;
• Салауатты бәсекелестік үшін тиімді жағдайлар жасау;
• Отандық кәсіпкерлікті дамытуды қолдау.

Сатып алу тәсілдері

Тапсырыс берушіге байланысты сатып алу әдістері әртүрлі болады.

Конкурс / Тендер-тауардың немесе көрсетілетін қызметтің бағасынан басқа жеңімпазды анықтауға әсер ететін басқа да критерийлер ескерілетін электрондық сатып алу тәсілі.

Бір көзден – өнім берушіні (мердігерді, орындаушыны) таңдау тәсілі, онда тапсырыс беруші тек бір әлеуетті өнім берушіге сатып алуға шарт жасасуды ұсынады және егер сатып алу жоспарланатын негіз бір көзден алу тәсілімен сатып алуды жүзеге асыру негіздерінің тізбесіне енгізілген жағдайда ғана.

Баға ұсыныстарын сұрату – жеңімпазды таңдаудың шешуші критерийі әлеуетті өнім беруші ұсынатын тауардың, жұмыстың немесе қызметтің ең төменгі бағасы болып табылатын электрондық сатып алудың ең қарапайым әдісі.