«Электрондық қаржы орталығы» акционерлік қоғамы (бұдан әрі – Қоғам, Тапсырыс беруші) «2020 жылға арналған республикалық бюджетті нақтылау туралы» Қазақстан Республикасы Президентінің өкімін іске асыру туралы» Қазақстан Республикасы Үкіметінің 2020 жылғы 9 сәуірдегі №187 қаулысын Салықтық әкімшілендіру ақпараттық жүйесінің функционалдығын іске асыру бойынша қызметтерді көрсету үшін «Салықтық әкімшілендірудің біріктірілген жүйесін іске асыру» мемлекеттік тапсырмасын орындау мақсатында бірлесіп орындаушылар ретінде тарту үшін әлеуетті өнім берушілерден өтінімдер қабылдауды жүзеге асырады:
- «Портал» кіші жүйесі;
- «Әкімшілендіру және мониторинг» кіші жүйесі;
- «СТ кабинеті» кіші жүйесі;
- «АРМ ОГД» кіші жүйесі:
- «Салық төлеушілерді тіркеу және ККМ» модулі;
- «Дербес шоттар» модулі;
- «Өндіріп алу» модулі;
- «Аудит және Мониторинг» модулі;
- «Акциздік өнімдерді әкімшілендіру» модулі;
- «Оңалту және банкроттық» модулі;
- «Қызметтерді көрсету статустарына жедел мониторинг жүргізу журналы» модулі;
- «Есептілік» модулі;
- «Интеграциялық Шина» кіші жүйесі;
- «Жобаны басқару».
Өтінімдерді қабылдау орны мен мерзімі: 010000, Нұр-Сұлтан қаласы, Достық даңғылы, 18, 2043-кабинет, 2020 жылғы «21» тамыз сағат 15:00-ге дейін. Байланыс телефоны: 8 (7172) 91 90 90 іш. 247 немесе 209, 8 (701) 535 05 89 немесе 8 (777) 701 70 15.
Әлеуетті өнім берушілердің өтінімді ресімдеуіне және ұсынуына қойылатын талаптар
1. Өтінімді ұсыну тәртібі
1.1. Өтінім қағаз тасығышта беріледі және Қызметтердің техникалық сипаттамасында көзделген талаптар мен шарттарға сәйкес қызметтер көрсетуге үміткер әлеуетті өнім берушінің келісімін білдіру нысаны, сондай-ақ әлеуетті өнім берушінің біліктілік талаптарына сәйкестігін растайтын ол туралы мәліметтерді алуға келісімі болып табылады.
1.2. Өтінім мыналарды қамтуы тиіс:
1) әлеуетті өнім беруші оның біліктілік талаптарына сәйкестігін растау үшін ұсынатын, қолымен және мөрімен расталған қағаз тасығыштағы құжаттар:
- көрсетілетін қызметтердің мерзімі сипатталған әлеуетті өнім берушінің баға ұсынысы;
- әлеуетті өнім берушінің мөрімен және қолымен расталған, әлеуетті өнім берушінің 3 жыл ішінде ақпараттық жүйелер бойынша қызметтер көрсетуге құқығын растайтын шарттардың, орындалған жұмыстарды қабылдау-беру актілерінің және басқа да құжаттардың көшірмелері;
- салықтық әкімшілендіру ақпараттық жүйесінің функционалдығын іске асыру бойынша қызметтерді көрсетуге тартылуы жоспарланған бойынша әлеуетті өнім беруші қызметкерлерінің нотариалды куәландырылған дипломдары, куәліктері, дәлелдемелер және / немесе сертификаттары және т. б. қамтылған тізімі;
2) көрсетілетін қызметтердің функционалдық, техникалық, сапалық және пайдалану сипаттамалары сипатталған техникалық сипаттама. Әлеуетті өнім берушінің техникалық сипаттамасында қызметтердің техникалық сипаттамасының талаптарын іске асырудың ұсынылатын сипаттамасы мен болжамы болуы тиіс.
1.3. Әлеуетті өнім беруші дайындаған өтінім, сондай-ақ өтінімге қатысты барлық хат-хабарлар мен құжаттар мемлекеттік және орыс тілдерінде, нөмірленген және тігілген, мөрмен бекітілген түрде жасалады және ұсынылады.
1.4. Әлеуетті өнім берушінің өтінімі өтінімдерді қабылдаудың соңғы мерзімі өткеннен кейін өтінім берілген жағдайда автоматты түрде кері қайтарылады.
1.5. Әлеуетті өнім берушінің баға ұсынысы теңгемен көрсетілуі тиіс.
2. Өтінімдерді қарастыру
2.1. Қоса берілген материалдары бар өтінімдер оларды ұсыну мерзімі аяқталған сәттен бастап 2 (екі) жұмыс күні ішінде мемлекеттік тапсырманы орындау үшін өнім берушілерді іріктеу жөніндегі комиссияның қарауына ұсынылады.
2.2. Өтінімді (өтінімдерді) қарау кезінде комиссия техникалық ерекшелікте белгіленген біліктілік талаптарына сәйкестік критерийлерін және ұсынылған бағаның қолайлылығын негізге ала отырып әлеуетті өнім берушіні таңдайды.
2.3. Қарастырылған өтінімдер бойынша қабылданған шешімдер туралы ақпарат Қоғамның корпоративтік сайтында орналастырылады.
3. Ерекше шарттары
Өтінімді қалыптастыру мақсатында әлеуетті өнім берушіге Тапсырыс берушінің салықтық әкімшілендірудің ақпараттық жүйесінің функционалдығын іске асыру жөніндегі қызметтерді көрсетуге арналған Техникалық сипаттамасы әлеуетті өнім беруші Құпиялылық туралы келісімге қол қойғаннан кейін қолма-қол беріледі, оны алу үшін сенімхатпен бірінші тұлғаның немесе уәкілетті тұлғаның қатысуы қажет, өзімен бірге мөрі болуы тиіс. Құпиялылық туралы келісімге қол қою және Тапсырыс берушінің Техникалық сипаттамасын беру 2020 жылдың «17» тамыздағы сағат 18:00-ге дейін жүзеге асырылады.
Қосымшалар:
1. Қосалқы мердігерлік қызметтер көрсету туралы шарттың жобасы;
2. Әлеуетті өнім берушіге қойылатын біліктілік талаптар.
Біліктілік талаптарын және ұсынылған бағаның қолайлылығын негізге ала отырып, өтінімдерді қарау қорытындылары бойынша комиссия әлеуетті өнім берушілерді таңдаумен анықталды. Конкурстық комиссиясының шешімі бойынша жеңімпаз «Sapa Software (Сапа Софтвер)» ЖШС және «Гражданин» ЖШС атынан Консорциум деп жарияланады. Комиссия отырысының хаттамасымен мына жерден таныса аласыз.