Мемлекеттік сатып алуды цифрландыру департаменті «Demo day» - де ЭМС/БСП жобасын сәтті таныстырды
2024 жылғы 13 тамызда Мемлекеттік сатып алуды цифрландыру департаменті «Demo day» іс-шарасы шеңберінде бірыңғай сатып алу платформасы (ЭМС/БСП) жобасының тұсаукесерін сәтті өткізді. Тұсаукесер барысында ECD бөлімінің жоба жетекшісі Дархан Смаил ЭМС/БСП жүйесінің қолданыстағы және енгізіліп жатқан жаңалықтарын ұсынды.
Дархан Смаил Мемлекеттік сатып алуларға, квазимемлекеттік сектор субъектілерінің сатып алуларына және «Самұрық-Қазына» ҰӘҚ» АҚ компанияларының сатып алуларына қатысу үшін бірыңғай терезені қамтамасыз ететін Бірыңғай сатып алу платформасының негізгі функциялары мен артықшылықтарын айқын көрсетті (goszakup.gov.kz, zakup.sk.kz, mitwork.kz). 2024 жылдың 10 маусымынан бастап пайдаланушылар платформада үш қол жетімді әдіс арқылы тіркеле алады:
- ҚР ҰКО ЭЦҚ арқылы;
- QR-код технологиялары арқылы;
- «Гамма Технологии» ЖШС-ның ЭЦҚ арқылы.
Ағымдағы жылдың соңына дейін пайдаланушылар қолданыстағы сатып алу алаңдары арқылы авторизациялау және тіркеу мүмкіндігін сақтайтынын атап өту маңызды.
Тұсаукесер барысында жүйені одан әрі дамыту, басқа ақпараттық жүйелермен өзара іс-қимыл және Тапсырыс берушілермен жұмыстың құқықтық аспектілері жөніндегі жоспарлар талқыланды. Мемлекет басшысының 2022 жылғы 1 қыркүйектегі Жолдауын іске асыруға ерекше назар аударылды, онда мемлекеттік сатып алудың сапалы жаңа жүйесін құру қажеттігі атап өтілді.
Платформада қоғамдық мониторингі бар орталықтандырылған талдау жүйесі іске асырылды және пайдаланушылардың әртүрлі санаттары үшін дербес параметрлері бар «Жеке кабинет» жаңғыртылды. Мысалы, өнім берушілер үшін барлық критерийлер бойынша өзекті көрсеткіштер, соның ішінде өнім берушінің рейтингі, қаржылық тұрақтылық, орындалатын шарттар сомасы және басқа да маңызды деректер көрсетіледі.
Бірыңғай платформа сатып алу рәсімдерінде «бір терезе» қағидатын қамтамасыз ете отырып және басқа сатып алу операторларын қосу мүмкіндігін бере отырып, пайдаланушылардың жұмысын жеңілдетуге арналған.