"Электрондық қаржы орталығы" АҚ Басқарма Төрағасын тағайындау туралы баспасөз релизі

Директорлар кеңесінің шешімімен Нұрлыбек Рахметов «Электрондық қаржы орталығы» АҚ басқарма төрағасы қызметіне тағайындалды. Нұрлыбек Рахметов 1980 жылы Атырау облысында дүниеге келген. Атырау инженерлік-гуманитарлық институтын, сондай-ақ Қаржы академиясын тәмамдаған. Халықаралық ақпараттандыру академиясының толық мүшесі.

Еңбек жолын Н.Ж. Рахметов 1998 жылы «Қазақстан Халық Жинақ Банкі» АҚ телекоммуникациялар және байланыс құралдары бөлімінің жетекші инженері болып бастаған.

2001-2007 жылдары «ДАБ» ABN AMRO Bank Kazakhstan» АҚ жұмыс істеді;

2008-2009 жылдары - «ҚазАгро» Ұлттық холдингі» АҚ IT департаментінің директоры, ІТ қызметінің басшысы лауазымдарында болды;

2009-2020 жылдары - «Қазақстан Республикасы Стратегиялық жоспарлау және реформалар агенттігі Ұлттық статистика бюросының ақпараттық-есептеу орталығы» РМК директорының орынбасары, директоры қызметін атқарды;

2020-2022 жылдары - «Электрондық қаржыландыру орталығы» АҚ басқарма төрағасының өндіріс жөніндегі орынбасары, басқарма төрағасының міндетін атқарды.