Электрондық мемлекеттік сатып алу
Электрондық мемлекеттік сатып алудың электрондық қызметтеріне қол жеткізудің бірыңғай орнын ұсынатын мемлекеттік ақпараттық жүйе.

Ақпарат

Сайт: goszakup.gov.kz
Нұсқаулар: goszakup.gov.kz/wiki
Жиі қойылатын сұрақтар: wiki
Форум: forum.ecc.kz
Колл-орталығы: +7 (7172) 72-90-90
Эл. пошта: support@ecc.kz

Семинарға жазылу

«Электрондық мемлекеттік сатып алу» АЖ

«Электрондық мемлекеттік сатып алу» автоматтандырылған интеграцияланған ақпараттық жүйесі (бұдан әрі – ЭМС) мемлекеттік сатып алуды нақты уақыт режимінде жүргізуге арналған. Жүйе тауарларды, жұмыстарды, қызметтерді жеткізуге деген тапсырыс берушілердің қажеттіліктері туралы электрондық шарттардың жасалуын, олардың шоғырлануын, сатып алу рәсімдерінің жүргізілуін, өнім берушінің белгіленуін, жасалған шарттар және олардың мемлекеттік сатып алу веб-порталында орындалу нәтижелері туралы мәліметтердің жариялануын қамтамасыз етеді.

Мақсаты

Процестің ашықтығын және бюджет қаражатының тиімді пайдаланылуын қамтамасыз ете отырып, нақты уақыт режимінде мемлекеттік сатып алуды жүргізу.

Міндеттері

  • мемлекеттік мұқтаждықтар үшін тауарларды, жұмыстарды және қызметтерді сатып алуға арналған бюджет шығыстарын азайту;
  • мемлекеттік тапсырысты қалыптастырудың және орналастырудың бірыңғай тәртібі;
  • мемлекеттік сатып алу рәсімдерін жүргізуге арналған шығындарды қысқарту;
  • өнім жеткізушілер арасында тең бәсекелестік жағдайларын жасау;
  • жинақталған ақпаратқа тез қол жеткізу;
  • қағаз жүзіндегі құжат айналымын барынша қысқарту;
  • мемлекеттік сатып алу процесінің транспаренттілігін және ашықтығын арттыру;
  • мемлекеттік сатып алу процесіндегі құқық бұзушылықтар санын азайту.

Жүйенің функциялары

  • мемлекеттік сатып алу процесіне қатысушыларды тіркеу;
  • мемлекеттік сатып алуды жоспарлау;
  • жүргізілген мемлекеттік сатып алу туралы ақпаратты жинау;
  • электрондық мемлекеттік сатып алуды жүргізу, соның ішінде тапсырыс беруші мен әлеуетті өнім беруші арасында электрондық құжаттармен алмасу;
  • мемлекеттік сатып алу веб-порталы арқылы жоспарланатын, жүргізілетін және жүзеге асырылған мемлекеттік сатып алу туралы ақпаратты ұсыну;
  • жүргізілген мемлекеттік сатып алу бойынша статистика мен есептілікті қалыптастыру;
  • мемлекеттік сатып алу саласындағы түсініктемелер мен нормативтік-анықтамалық ақпаратты жариялау;
  • мемлекеттік сатып алу тізілімдеріне енгізілетін мәліметтерді ұсыну және жариялау.

Артықшылықтары

  • Сыбайлас жемқорлықпен күресудің тиімді тәсілі;
  • Бюджет қаражатын нақты үнемдеу;
  • Мемлекеттік сатып алу саласындағы жұмыстың ыңғайлылығы;
  • Адал бәсекелестік үшін тиімді жағдайларды жасау;
  • Отандық кәсіпкерлікті дамытуды қолдау электрондық мемлекеттік сатып алудың негізгі артықшылықтары болып табылады;

Сатып алуды жүргізу тәсілдері

Баға ұсыныстарын сұрату тәсілімен ЭМС – электрондық мемлекеттік сатып алудың қарапайым тәсілі, бұл тәсіл кезінде әлеуетті өнім беруші ұсынатын тауар, жұмыс немесе қызмет үшін берілетін ең төмен баға жеңімпазды таңдаудың ең шешуші көрсеткіші болып табылады.

Электрондық конкурс – тауар, жұмыс немесе қызмет бағасынан басқа, жеңімпазды анықтауға әсерін тигізетін басқа да көрсеткіштер ескерілетін электрондық мемлекеттік сатып алу тәсілі.

Электрондық аукцион – тапсырыс беруші тауарды, жұмысты немесе қызметті онлайн аукцион уақытында баға төмендеген кезде анықталған, ең төмен бағаны ұсынған әлеуетті өнім берушіден сатып алатын мемлекеттік сатып алу тәсілі.

Өтпей қалған сатып алу бойынша бір көзден сатып алу тәсілімен ЭМС – алғашқы сатып алу заңнамада белгіленген тәртіппен өтпей қалған болып танылғаннан кейін, тапсырыс беруші тек қана бір әлеуетті өнім берушіге сатып алуға шарт жасасуды ұсынатын өнім берушіні (мердігерді, орындаушыны) таңдау тәсілі.

Тікелей шарт жасасу арқылы бір көзден сатып алу тәсілімен ЭМС – тапсырыс беруші тек қана бір әлеуетті өнім берушіге және ол бойынша сатып алу жоспарланатын негіз тікелей шарт жасасу арқылы бір көзден сатып алу тәсілімен мемлекеттік сатып алуды жүзеге асыру негіздерінің тізбесіне кіретін жағдайда ғана сатып алуға шарт жасасуды ұсынатын өнім берушіні (мердігерді, орындаушыны) таңдау тәсілі.

Google analytics жүйесінің деректері бойынша 2009 жылғы 01 мамырдан бастап бүгінгі күнге дейінгі кезеңде мынадай көрсеткіштер тіркелген:

  • 4 млн - күніне қаралатын беттер саны
  • 139 293 - әлеуетті өнім беруші саны
  • 2 087 388 - хабарландыру орналастырылды
  • 2-2,5 трлн - теңге жыл сайынғы сатып алу көлемі
  • 160 млрд - теңге 2016 жылы бюджет қаражатын үнемдеу көлемі
  • 00:16:25 - порталда болудың орташа ұзақтығы

Мемлекеттік сатып алу веб-порталына кірудің ең көп саны 2016 жылғы 17 ақпанда тіркелген, ол 172 202 құрады.

Тарих

2016
Мемлекеттік сатып алу порталының жаңа платформасы пайдаланылуға енгізілді
  • Жаңа платформа жаңа заңнаманың талаптарына - «Мемлекеттік сатып алу туралы» заңның жаңа редакциясына және 2016 жылғы 1 қаңтарда қолданысқа енгізілген, Мемлекеттік сатып алуды жүзеге асыру туралы жаңа ережеге сәйкес әзірленген.
  • Open Source бағдарламалық шешіміне өту;
  • бюджеттік шығындарды қысқарту;
  • жаңа тұғыр бірыңғай аутентификациялау және құқықтар және рөлдер иерархиясымен «Баға ұсыныстарын сұрату» және «Конкурс және аукцион» алаңдарын бір алаңға біріктіруге мүмкіндік берді
2014
Электрондық шарттар модулін іске қосу
2012
Электрондық конкурс модулін өнеркәсіптік пайдалану және электрондық аукционды тәжірибелік пайдалану
2011
Электрондық конкурс модулін тәжірибелік пайдалану және электрондық аукционды "пилоттық" пайдалану
2010
Конкурс тәсілімен электрондық мемлекеттік сатып алу ережесін қабылдау
  • Конкурс процесін автоматтандыру;
  • Конкурстық рәсімдерді нысандандыру;
  • Конкурстық комиссия мүшелерінің жауапкершілігін арттыру.

Электрондық конкурс модулін «пилоттық» пайдалану және баға ұсыныстарын сұрату тәсілімен электрондық сатып алу модулін өнеркәсіптік пайдалану;

«Мемлекеттік сатып алу туралы» Заңға электрондық конкурсты жетілдіру және конкурстық рәсім мерзімдерін қысқарту бөлігінде өзгерістер енгізу.</

2010
"Мемлекеттік сатып алу туралы" Заңға өзгерістер енгізу

«Мемлекеттік сатып алу туралы» Заңға электрондық конкурсты жетілдіру және конкурстық рәсім мерзімдерін қысқарту бөлігінде өзгерістер енгізу. Электрондық аукционды (ұйымдастырылған электрондық сауда-саттықты) әзірлеу

2009
Баға ұсыныстарын сұрату тәсілімен электрондық сатып алу модулін тәжірибелік пайдалану
  • Қаржы министрлігі және тапсырыс берушілер арасында электрондық форматта баға ұсыныстарын сұрату тәсілімен барлық сатып алудың 50% өткізу туралы меморандумға қол қою;
  • Электрондық мемлекеттік сатып алуға оқыту;

Электрондық конкурс модулін әзірлеу

2008
"Мемлекеттік сатып алу туралы" Заңға өзгерістер енгізу

«Электрондық мемлекеттік сатып алу» және «мемлекеттік сатып алу веб-порталы» ұғымдарын енгізу;

  • Үкімет және мемлекеттік сатып алу саласындағы уәкілетті органмен қатар оның құзыретін Заңның айқындауымен электрондық мемлекеттік сатып алу саласындағы бірыңғай операторды құру;
  • Мемлекеттік сатып алудың веб-порталын пайдалануға енгізу және баға ұсыныстарын сұрату тәсілімен электрондық сатып алу модулін «пилоттық» пайдалану.
2007
Мемлекеттік сатып алу туралы жаңа заңды қабылдау

Сатып алудың 5 тәсілін анықтау, бұл ретте олардың 3-н жүргізу мүмкіндігі белгіленген: конкурс, баға ұсынысын сұрату, ақпараттық жүйелерді және электрондық құжатайналымды пайдаланумен бір көзден алу; Сатып алу тізілімін қалыптастыру; Конкурстық рәсімдерді екі кезеңдік жүргізу.