Мемлекеттік кірістер комитетінің интеграцияланған автоматтандырылған ақпараттық жүйесі (бұдан әрі – жүйе, МКК АЖ) ҚР ҚМ Мемлекеттік кірістер комитетін (бизнес-процестерін) кешенді автоматтандыруға арналған және ҚР азаматтарына және бизнесіне электрондық қызметтерді ҚР ҚМ МКК ұсынуын автоматтандыруды қамтитын ақпараттық жүйелер кешенін білдіреді.

«Салықтық және кедендік әкімшілендіруді реформалау мақсатында ақпараттық жүйелерді дамыту» МКК АЖ жобасын іске асыру ҚР ҚМ МКК қолданыстағы және ақпараттық жүйелерін жаңғыртуды және жаңа жүйелерді құруды көздейді.

Жобаның ауқымы негізінен салық салу жүйесіне қосылған салық төлеушілердің жалпы санымен, сондай-ақ салықтық әкімшілендіру саласындағы қызметті жүзеге асыратын ҚР ҚМ МКК ақпараттық жүйелерін пайдаланушылардың санымен айқындалады. Сонымен қатар жобаланатын жүйенің архитектурасын айқындайтын МКК ұйымдық құрылымының иерархия деңгейлерінің саны маңызды болып табылады.

Мақсаты

Жоба ҚР ҚМ МКК орындау бойынша әкімшілік рәсімдерді автоматтандыруға арналған және ҚР ҚМ МКК қолданыстағы жаңа ақпараттық жүйелерінің үздіксіз жұмыс істеуіне және дамуына бағытталған.

Міндеттер

• «Электрондық үкімет» құрауыштарымен интеграциялау арқылы МКК АЖ деректерінің растығын қамтамасыз ету
• Халыққа, бизнеске және мемлекеттік органдарға ақпараттық, интерактивті, транзакциялық қызметтерді ұсыну сапасы мен жеделдігіне кепілдік беру
• Барлық ақпараттық құрылымды сүйемелдеуге және әкімшілендіруге жұмсалатын шығындарды азайту
• Елеулі шығындарды талап етпейтін ҚР заңнамасының өзгерістеріне бейімделудің жоғары дәрежесімен икемді ақпараттық жүйелер құру
• Бюджеттік ресурстар мен мемлекеттік қаржыны басқару саласындағы басқару шешімдерінің сапасын және бақылау тиімділігін арттыру;
• Басқару тиімділігін арттыру және өндірістік емес шығындарды қысқарту;
• Халыққа және бизнес-қоғамдастыққа мемлекеттік қызмет көрсетуді ұсыну тиімділігін арттыру

МЕМЛЕКЕТ ҮШІН АРТЫҚШЫЛЫҚТАР

• Мемлекеттік ведомстволардың өзара іс-қимылының жеделдігі және тиімділігін арттыру
  Бюджетті басқару бойынша барлық ілеспе процестер электрондық форматқа ауыстырылды, орталықтандырылып, ведомствоаралық өзара іс- қимылды неғұрлым тиімді етті.
• Сапасы мен сенімділігі
• Ақпаратты автоматты түрде шоғырландыру «адам факторын» жоюға мүмкіндік береді
• Үнемдеу
  Есептердің көп санын жинауға және шоғырландыруға жұмсалатын шығындар мен еңбек ресурстарын төмендету.

ХАЛЫҚ ПЕН БИЗНЕС ҮШІН АРТЫҚШЫЛЫҚТАР

• Әкімшілік кедергілерді төмендету және ҚР ҚМ МКК қызмет көрсету жеделдігі мен сапасын арттыру;
• Аудиторларды электрондық аккредитациялау, ҚР ҚМ МКК құзыреті аясында лицензиялар алу және т.б.;
• Дәрменсіз борышкерлердің жылжымайтын мүлкін сату жөніндегі электрондық аукциондар және т.б. сияқты жаңа электрондық қызметтерді құру мүмкіндігі.

Статистика

Жүйелердің функциялары

САЛЫҚ ЕСЕПТІЛІГІН ӨҢДЕУ СЕРВИСТЕРІ АҚПАРАТТЫҚ ЖҮЙЕСІ

Негізгі тағайындалуы: Декларацияларды, есептерді қоса алғанда, салық есептілігі нысандарын қабылдау және өңдеу процесін автоматтандыру және ОБЖШ үшін есептеу тізілімдерін кейінгі қалыптастыру. Функционалдық мүмкіндіктері:

• Салық есептілігі нысандарын, салықтық өтініштерді қабылдау және өңдеу;
• ҚҚС төлеушілерді тіркеу;
• Электрондық айырбастауға қатысушыларды тіркеу;
• ҚҚС қайтарылуын бақылау және «Пирамида» есебін қалыптастыру;
• Тауарларды әкелу және жанама салықтарды төлеу туралы өтініштерді өңдеу;
• Алкоголь өніміне, мұнай өнімдеріне, темекі бұйымдарына ілеспе жүкқұжаттарды есепке алу.

«Ақпараттық жүйелерді интегрциялаудың өнеркәсіптік платформасы» ақпараттық жүйесі(МКК ИШ)

МКК ИШ төмендегілерге мүмкіндік беретін, технологиялық, сенімді, бас тартуға төзімді бірыңғай интеграциялық платформа болып табылады:

• ҚР ҚМ МКК және басқа да мемлекеттік және уәкілетті органдардың ішкі жүйелерінің өзара іс-қимылы үшін ақпараттық инфрақұрылым құру;
• МКК электрондық қызметтерін іске асыру және ИШ-ке шығару. Бұл қызметтер ҚР ҚМ МКК порталы, СЕӨС және Салық төлеуші кабинеті арқылы ұсынылады;
• ҚР ҚМ МКК АЖ-сін ҚР ЭҮШ-не қосудың шаблонды шешімдерін әзірлеу.

«Қазақстан Республикасының Қаржы министрлігінің Мемлекеттік кірістер комитетінің web-порталы» АЖ

ҚР ҚМ МКК Веб-порталы Қазақстан Республикасының азаматтарын Интернет желісі арқылы мемлекеттік кірістер органдарының құзыретіне жататын мәселелер бойынша хабардар ету мақсатында Қазақстан Республикасы Қаржы министрлігінің Мемлекеттік кірістер комитеті ұсынатын ақпараттық бөлімдерді, ресурстар мен сервистерді қамтитын бағдарламалық шешім болып табылады

МКК web-порталының негізгі тағайындалуы – Салық төлеушілерге өзекті ақпаратты ұсыну:

• Жаңалықтарды жариялау
• Комитеттің қызметі туралы ақпарат
• Заңнамалық ақпараттық материалдар
• Электрондық сервистерді ұсыну (Салық төлеушілерді іздеу, ҚҚС төлеушілердің тізілімі, салық берешегінің жоқ (бар) екендігі туралы мәліметтер және басқалар)

«САЛЫҚ ТӨЛЕУШІНІҢ КАБИНЕТІ» WEB-ҚОСЫМШАСЫ

СТК – рұқсатсыз қолжетімділіктен дербестендірілген және қорғалған ҚР ҚМ МКК web-ресурсы. Салық төлеуші өзінің виртуалды кабинетіне Интернет арқылы (клиенттік қосымшаны орнатпай) қосылады және жедел режимде деректер базасында сақталатын өзі туралы және мемлекеттік кірістер органдарымен өзара қарым-қатынастары туралы ақпаратқа қол жеткізуге, сондай-ақ ҚР ҚМ МКК кейіннен өңдеу үшін электронды түрде салық есептілігі нысандарын толтыруға және беруге мүмкіндік алады.

Функционалдық мүмкіндіктері:

• Салық есептілігі нысандарын, салықтық өтінімдерді дайындау және ұсыну;
• Алкоголь өніміне, мұнай өнімдеріне, темекі бұйымдарына ілеспе жүкқұжаттарды толтыру;
• Тіркелген салық салу объектілері туралы ақпарат алу;
• Салықтарды және бюджетке төленетін басқа да міндетті төлемдерді төлеу;
• Салық хабарламаларын/хабарландыруларын алу;
• Жеке шоттарды қарау, дербес шоттан үзінді көшірмелер;
• Жеке тіркеу деректерін қарау.

«Электрондық шот-фактураларды қабылдау және өңдеу жөніндегі ақпараттық жүйе» (ЭШФ АЖ)

Жүйенің мақсаты электрондық түрде көшірме беруді қамтамасыз ету, шот-фактураларды алу болып табылады.

ЭШФ АЖ – дербестендірілген және рұқсатсыз қолжетімділіктен қорғалған, http://esf.gov.kz/ сілтемесі бойынша жарияланған ҚР ҚМ Мемлекеттік кірістер комитетінің web-ресурсы. Салық төлеуші өзінің виртуалды кабинетіне Интернет арқылы (клиенттік қосымшаны орнатпай) қосылады және жедел режимде деректер базасында сақталатын өзі, жазып берілген және алынған ЭШФ туралы ақпаратқа қол жеткізуге мүмкіндік алады.

Жүйенің функциялары

Жүйенің негізгі функциялары:

• Пайдаланушыларды тіркеу, пайдаланушылар рөлдерін теңшеу және пайдаланушылардың құқықтарын бөлу
• ЭШФ-мен жұмыс, ЭШФ объектілерін сериализациялау және десериализациялау, ЭШФ пакеттерін өңдеу
• НАА анықтамалықтарын ҚР мемлекеттік мекемелерінің ақпараттық жүйелерімен синхрондау, ҚР МКК және Қазынашылығының ақпараттық жүйелерімен интеграциялау, пайдаланушылардың есептік жүйелері форматында және ҚР мемлекеттік мекемелерінің алдында есептілік үшін қабылданған форматта файлдарды өңдеуді және генерациялауды қоса алғанда, деректерді импорттау және экспорттау
• Орындалған жұмыстар актілерімен жұмыс
• Электрондық шарттармен жұмыс
• Виртуалды қоймамен жұмыс.

Екінші кезекті кедендік автоматтандырылған ақпараттық жүйенің(КААЖ-2 ) бағдарламалық-қолданбалы қамтамасыз ету

КААЖ-2 ҚБҚ негізгі мақсаты – кедендік әкімшілендіру процестерін автоматтандыру (тауарларға декларация беру, тауарларға арналған декларацияны, кедендік құн декларациясын түзету жолымен тауарларды кедендік тазарту; нормативтік-анықтамалық ақпаратты жүргізу; жолаушылар кеден декларацияларын, кедендік кіріс ордерлерін есепке алу; көлік құралдарын уақытша әкелуді/әкетуді бақылау; тарифтік емес реттеу; тауарлардың нақты әкетілуін растау).

Жүйенің функциялары

Жүйенің негізгі функциялары:

• кедендік декларациялау, кедендік төлемдер мен салықтардың төленуін бақылау;
• тарифтік емес реттеу шараларын бақылау, негізгі деректер базасын қалыптастыру;
• кедендік декларациялар.

«Деректердің біріктірілген қоймасы»(ДБҚ АЖ)

ДБҚ АЖ негізгі мақсаты – ҚР ҚМ МКК ақпараттық қорының деректеріне талдау жүргізу мүмкіндігі, қатаң есептілікті қалыптастыру және ақпаратқа регламенттелген қолжетімділікті қамтамасыз ету. ДБҚ АЖ – деректерді жинау және өңдеу, сақтау орнын әкімшілендіру функциялары және сақтау орнынан деректерді алу және оларды аналитикалық өңдеу функциялары бар ҚР және ЕАЭО елдерінің ақпараттық деректер сақтау орны.

Жүйенің функциялары

Жүйенің негізгі функциялары:

• Деректерді жинау және өңдеу;
• Сақтау орнын әкімшелендіру;
• Деректерді сақтау орнынан алу және оларды аналитикалық өңдеу.

«Статистика, таллау, сыртқы сауда статистика деректеріне қолжетімділікті ұйымдастыру»(ССС АЖ)

ССС АЖ негізгі мақсаты – ҚР ҚМ МКК қызметкерлерінің талдау қызметінің тиімділігін арттыру, мемлекеттік бюджетке кедендік төлемдер мен салықтардың түсуін бақылау, Қазақстан Республикасының сыртқы саудасының жай-күйін, серпінін және үрдістерін талдау, сондай-ақ мемлекеттік органдар мен азаматтарды ҚР сыртқы саудасының жай-күйі туралы ақпаратпен қамтамасыз ету, Қазақстан Республикасының халықаралық шарттарына және Қазақстан Республикасының заңнамасына сәйкес халықаралық ұйымдарға ақпарат беруді ұсыну.

Жүйенің функциялары

Жүйенің негізгі функциялары:

• ҚР сыртқы сауда статистикасын талдау;
• Шешімдер қабылдау үшін регламенттелмеген сұрау салулар бойынша сыртқы сауда статистикасының деректерін талдау.

«Біріктірілген кедендік тариф деректер қоры»(БКТ ДҚ)

БКТ ДҚ негізгі мақсаты – СЭҚ қатысушыларының, кеден инспекторларының, сондай-ақ СЭҚ-пен байланысты кез келген тұлғалардың тарифтік, тарифтік емес реттеу, мөлшерлемелер, сол немесе өзге тауарлардың экспорты, импорты және транзиті бойынша тыйым салулар мен шектеулер бойынша толық ақпарат алуы.

ДҚ функциялары

ДБ негізгі функциялары:

• СЭҚ ТН код бойынша тауарларды іздеу;
• Тауарларды атауы бойынша іздеу;
• Тауарлар мен баждар туралы ақпаратты қарау;
• Нормативтік құжаттар мен түсіндірмелерге сілтемелер бойынша өту мүмкіндігімен тарифтік және тарифтік емес реттеу шаралары туралы ақпаратты қарау;
• Гипермәтіндік форматтағы ЕАЭО СЭҚ ТН түсініктемелерді қарау;
• Әкімші парағынан деректер базасын жаңарту.

«Біріктірілген салық ақпараттық жүйесі»(БСАЖ)

Жүйенің мақсаты бюджетке салықтар мен алымдардың уақтылы және толық түсуін қамтамасыз ету үшін Қазақстан Республикасының салық және бюджетке төленетін басқа да міндетті төлемдер туралы заңнамасының сақталуын бақылау нысандары мен әдістерін қамтамасыз ету және жетілдіру, жосықсыз салық төлеушілердің салық міндеттемелерін орындаудан жалтаруына байланысты шығындарды қысқарту, Қазақстан Республикасы Салық Кодексінің нормалары мен ережелерін «автоматтандыру» болып табылады.

«Интеграцияланған салық ақпараттық жүйесінде іске асырылған негізгі функциялар. Жүйеде іске асырылған негізгі функциялар олардың қолданылу салалары бойынша топтастырылған және олардың нысаналы мақсатына сәйкес бөлінген.

• БСАЖ «Салық төлеушілерді тіркеу»
• БСАЖ «Төлемдер мен декларацияларды есепке алу»
• «Арнайы салық режимдері және жекелеген қызмет түрлері»
• «САЭБ»
• «Сараптау»

«ОРТАЛЫҚТАНДЫРЫЛҒАН СӘЙКЕСТЕНДІРІЛГЕН ДЕРБЕС ШОТТАР» АҚПАРАТТЫҚ ЖҮЙЕСІ

Негізгі мақсаты: Орталықтандырылған біріздендірілген жеке шоттар ақпараттық жүйесі (ОБЖШ АЖ) Қазақстан Республикасы салық төлеушілерінің жеке шоттарын жүргізудің бизнес-процестерін автоматтандыруға, жеке шоттарды жүргізумен тікелей байланысты процестерді қолдауға, сондай-ақ ҚР электрондық үкіметінің басқа да ақпараттық жүйелерімен өзара іс-қимылды қамтамасыз етуге арналған.

Негізгі мақсаттары:

• Қазақстан Республикасының салық және бюджетке төленетін басқа да міндетті төлемдер туралы заңнамасының сақталуын бақылау;
• Қазақстан Республикасы Салық Кодексінің нормалары мен ережелерін «автоматтандыру»;
• Салықтық әкімшілендіру тетіктерінің тиімділігін, ақпараттық ашықтығы мен айқындылығын арттыру.

«Қазақстан Республикасы салық төлеушілерінің және салық салу объектілерінің мемлекеттік тізілімі(СТжСОТ)» ақпараттық жүйесі

СТ ж СОТ АЖ мақсаты ведомстволық және сыртқы ақпараттық жүйелердің деректері негізінде салық салу объектілерінің және салық төлеуші субъектілердің тізілімін қалыптастыру, салық заңнамасының орындалуын бақылау үшін талдамалық ақпаратты ұсыну болып табылады. Сондай-ақ СТжСОТ АЖ салық салу объектілеріне байланысты салықтық міндеттемелерді есептеу, ведомстволық және сыртқы ақпараттық жүйелердің деректері бойынша объектілердің сипаттамаларын түзету жүргізіледі. СТж СОТ АЖ клиенттік қосымшасы хабарламаларды автоматтандырылған жасау және басып шығару жұмысы үшін ЖТ субъектілерінің мүлік салығы, жер және көлік құралдары салығы бойынша салық міндеттемелерін есептеу тізілімін қалыптастыруға мүмкіндік береді.

Жүйенің негізгі құрауышы – «СТж СОТ АЖ кеден органдарының шлюзі».

Жүйенің шартты белгіленуі – КОШ.

КОШ бірегейлендірілген және стандартталған тетіктер негізінде ҚР ҚМ МКК ақпараттық жүйелерін шектес жүйелермен интеграциялауға, сондай-ақ ішкі сервистерді, кеден органдарының аралас жүйелерінің сервистерін және басқа мемлекеттік органдар мен халықаралық ұйымдардың сыртқы сервистерін шақыру негізінде келісілген автоматтандырылған бизнес-процестерді іске асыруға арналған.

КОШ негізгі мақсаты мынадай процестерді қамтиды:

• шешімдерді одан әрі талдау, болжау және қабылдауды қолдау мақсатында талдамалық АЖ үшін аккумуляцияланған деректерді құрылымдау және ұсыну процестері;
• басқа мемлекеттік органдардың ақпараттық жүйелерімен ақпараттық өзара іс-қимыл процестері;
• «Электрондық үкімет» құрауыштарымен ақпараттық өзара іс-қимыл процестері.

«Бірыңғай деректер қоймасы» ақпараттық жүйесі(БДҚ АЖ)

ДБСО АЖ мақсаты мынадай процестерді автоматтандыруға арналған ҚР ҚМ МКК жедел жүйелерінің аналитикалық сервисін қамтамасыз ету болып табылады:

• деректердің тарихи сақталуын сақтай отырып, ҚР ҚМ МКК жедел АЖ және уәкілетті мемлекеттік органдарының АЖ ақпаратты жинау, келісілген және орталықтандырылған сақтау процестері;
• шешімдерді одан әрі талдау, болжау және қабылдауды қолдау мақсатында талдамалық АЖ үшін аккумуляцияланған деректерді құрылымдау және ұсыну процестері;
• эталондық НАА орталықтандырылған сақтау және басқару процестері;
• АЖ – ДБСО деректерін тұтынушылар үшін деректерді жариялау процестері;
• камералдық бақылауды жүргізу процестері;
• аналитикалық есептілікті қалыптастыру процестері.

Акцизделетін өнімдер мен мұнай өнімдерінің жекелеген түрлерін өндіру мен айналымын бақылау ақпараттық жүйесі

Жүйелердің негізгі мақсаты: Акциз АЖ мақсаты акцизделетін тауарлардың және мұнай өнімдерінің жекелеген түрлерінің өндірісі мен айналымын бақылау болып табылады, оның ішінде:

• акцизделетін тауарлар мен мұнай өнімдерінің жекелеген түрлерінің айналымын, оның ішінде декларациялау, мониторинг, жүкқұжат және акцизделетін тауарлар мен мұнай өнімдерінің жекелеген түрлерінің өндірісі мен айналымының дерекқорын жүргізу арқылы бақылауды жүзеге асыру;
• есептіліктің электрондық нысандарын толтыруды, беруді, қабылдауды және өңдеуді автоматтандыру, ұсынылған салық есептілігінен деректерді басқа ақпараттық жүйелерге беру, есептілік нысандарын мониторингілеу және талдау.

Жүйелердің функциялары

Акциз АЖ ақпараттық жүйесі мынадай функцияларды іске асыруға арналған:

• акцизделетін өнімдер нарығы субъектілерін және мұнай өнімдерінің жекелеген түрлерін есепке алу;
• тек авиациялық отын және (немесе) мазут өндірушілердің, көтерме өнім берушілердің және (немесе) бөлшек сауда өткізушілерінің тізіліміне енгізу;
• тек авиациялық отын және (немесе) мазут өндірушілердің, көтерме өнім берушілердің және (немесе) бөлшек сауда өткізушілерінің тізілімінен алып тастау;
• мұнай өнімдерінің айналымы бойынша декларацияны ұсыну мерзімін ұзарту туралы өтініш негізінде декларацияны ұсыну мерзімін ұзарту;
• декларанттардың есептілігін қабылдау және өңдеу;
• аралас ақпараттық жүйелермен өзара іс-қимыл;
• акцизделетін өнімдер мен мұнай өнімдерінің жекелеген түрлерін өндіру және өткізу көлемдері бойынша ұсынылған деректердің сәйкес келмеу фактілерін- бұзу белгілерін анықтау;
• стандартты және стандартты емес есептілікті мониторингілеу және талдау, қалыптастыру;
• акцизделетін өнімге, сондай-ақ мұнай өнімдерін өндірушілерге, мұнай өнімдерін импорттауды жүзеге асыратын мұнай өнімдерін көтерме өнім берушілерге және Қазақстан Республикасында өндірілетін немесе Қазақстан Республикасының аумағына әкелінетін мұнай өнімінің әрбір атауына ЖСН-кодтар беру;
• АӘК- 9 есептілігін қабылдау және өңдеу.

Голографиялық қауіпсіздік элементімен бухгалтерлік және бақылау белгілерін қолданумен алкоголь өнімдерін өндіру және айналымын бақылау ақпараттық жүйесі

Жүйенің негізгі мақсаты: ЕБТ АЖ заманауи ақпараттық технологияларды қолдану негізінде алкоголь өнімінің өндірісі мен айналымын бақылау саласында ҚР ҚМ Мемлекеттік кірістер комитетінің қызметкерлері орындайтын функцияларды автоматтандыруға арналған. ЕБТ АЖ негізгі мақсаты әкімшілендіру функцияларын жақсарту және этил спирті мен алкоголь өнімінің айналымын бақылауды жетілдіру болып табылады.

Жүйенің функциялары

• Алкоголь өнімін өндірушілер мен импорттаушылардың өтінім беруі;
• Есепке алу-бақылау маркаларына штрих-кодты түсіру;
• ДСН- кодтар тағайындау
• Мониторинг және талдау.